شارانىڭ ماقساتى مەكتەپ وقۋشىلارى اراسىندا كاسىپكەرلىكتى دارىپتەۋ, كاسىپكەرلىك جانە بيزنەسكە يدەيالاردى دامىتۋ داعدىلارىن قالىپتاستىرۋ بولىپ تابىلادى. فەستيۆالگە قاتىسۋشىلار «i-MAP» بيزنەس-مەكتەبىندە تەگىن ءبىلىم الىپ, SMM, 4P ماركەتينگىن, ناقتى ماقسات قويۋ, ۋاقىتتى ءتيىمدى پايدالانۋ داعدىلارىن يگەردى.
اعىمداعى جىلدىڭ 1 قىركۇيەگى مەن 26 قازان ارالىعىندا وتكەن بايقاۋعا 14-17 جاس ارالىعىنداعى جاسوسپىرىمدەر قاتىستى. بايقاۋعا 102 ءوتىنىش ءتۇسىپ, ولاردىڭ اراسىنان 10 ۇزدىك جوبا ىرىكتەلىپ الىندى. وقۋشىلاردىڭ جوبالارى British Council «شەۆرون», «ۆeelineKazakhstan» كومپانياسى, الەۋمەتتىك ماڭىزدى باستامالاردى دامىتۋ قورى, الماتى قالاسى ءبىلىم باسقارماسى ماماندارى تاراپىنان قولداۋ تاپتى.
فەستيۆالگە ۇسىنىلعان جوبالار ىشىنەن ۇزدىك جۇمىستار ىسىرتەلىپ, جەڭىمپازدار انىقتالدى: ىممەن ءتۇسىندىرۋ قوسىمشاسى جوباسى بويىنشا ەلتاي ادي, مەدەۋ بەكتەمىسوۆ, دەمەۋ اتىمتاەۆ, ءۇيدى داۋىسپەن باسقارۋ جوباسى بويىنشا جان اۋباكيروۆ, الەكساندر ليم, ەسكەندىر اسانقۇل, ناشار كورەتىن ازاماتتارعا ارنالعان تاياق جاساپ شىعارۋ جوباسى بويىنشا ماليكا اسىلبەكوۆا جەڭىمپاز دەپ تانىلدى. قوعامدىق ماڭىزى بار جوبالاردى دامىتۋ قورى ەڭ ۇزدىك ەكولوگيالىق جوباعا –№92 محاتما گاندي اتىنداعى ليتسەي وقۋشىلارىنا, ايعانىم ۋاقىت جانە ميرا داۋلەتوۆاعا الماتىداعى سۋدىڭ ساپاسىن زەرتتەۋ بويىنشا جوباسىنا 300 مىڭ تەڭگە سىيلىق ۇسىندى.
ەلۆيرا سەرىكقىزى,
«ەگەمەن قازاقستان»
الماتى
